سنگاپور کلاسک اوپن گالف ٹورنامنٹ 20مارچ سے شروع ہوگا

سنگاپور۔4مارچ (اے پی پی):سنگاپور کلاسک اوپن گالف ٹورنامنٹ 20 مارچ سے سنگاپور کے لگنا نیشنل گالف ریزارٹ کلب میں شروع ہوگا۔ ٹورنامنٹ کی تیاریاں عروج پر ہیں۔ سنگاپور کلاسک ایک پیشہ ور گالف ٹورنامنٹ ہے جو یورپی ٹور پر کھیلا جاتا ہے۔

یہ ٹورنامنٹ کا تیسرا ایڈیشن ہے ، پہلی بار 2023 میں کھیلا گیا تھا۔ ٹورنامنٹ 72 ہولز پر کھیلا جائے گا۔ ٹورنامنٹ میں دنیائے گالف کے نامور کھلاڑی ایکشن میں نظر آئیں گے۔ ایونٹ میں سویڈن سے تعلق رکھنے والے گالفر جیسپر سوینسن اپنے اعزاز کا دفاع کریں گے ۔ ٹورنامنٹ کی انعامی رقم 25لاکھ امریکی ڈالر مقرر کی گئی ہے۔20مارچ سے شروع ہونے والا یہ ٹورنامنٹ 4 روز تک جاری رہنے کے بعد 23 مارچ کو اختتام پذیر ہوگا۔

Short Link: https://urdu.app.com.pk/urdu/?p=568540