- Advertisement -
کیف ۔10مارچ (اے پی پی):یوکرین کے صدر وولودیمیر زیلنسکی نے کہا ہے کہ یوکرین سعودی عرب میں امریکاکے ساتھ تعمیری مکالمے کے لئے پرعزم ہے۔
یوکرینی صدر وولودیمیرزیلنسکی نے گزشتہ روز سعودی عرب روانگی سے قبل ایکس پر اپنی پوسٹ میں کہا ہے کہ میز پر حقیقت پسندانہ تجاویز موجود ہیں جن پر تیزی اور موثر طریقے سے عمل کرنا ضروری ہے۔انہوں نے کہا ہے کہ یوکرین کے سفارتی اور عسکری نمائندے آج پیرکوولی عہد شہزادہ محمد بن سلمان کے ساتھ ملاقات کے بعد کل( منگل) کو امریکی وفد کے ساتھ اجلاس کریں گے۔
- Advertisement -
وولودیمیرزیلنسکی نے کہا کہ ہم تعمیری مکالمے کے لیے پرعزم ہیں اور فیصلوں اور ضروری اقدامات پر تبادلہ خیال کرنے اور اتفاق رائے قائم کرنے کی امید رکھتے ہیں۔
Short Link: https://urdu.app.com.pk/urdu/?p=570697
- Advertisement -
