قاہرہ۔14مارچ (اے پی پی):مصر کے دارالحکومت قاہرہ میں پاکستانی سفارتخانے نے مصر کی وزارت ثقافت کے تعاون سے قاہرہ اوپیرا ہاؤس میں رمضان نائٹس کی ہفتوں پر محیط تقریب کے دوران پاکستان کی ثقافتی شام کا اہتمام کیا۔
اس موقع پر پاکستان انٹرنیشنل سکول قاہرہ اور الازہر یونیورسٹی کے طلبا نے رمضان المبارک کے مقدس مہینے کی روح کو اجاگر کرتے ہوئے مختلف ممالک سے تعلق رکھنے والے سامعین کو مسحور کیا۔اس دوران پاکستان کے بھرپور ثقافتی ورثے کو اجاگر کیا گیا ۔
طلبا کی طرف سے رمضان المبارک کی خوشی اور مقدس سلام نے حاضرین سے خوب داد وصول کی۔ پاکستان کا سفارت خانہ قاہرہ اوپیرا ہاؤس میں ہر سال رمضان نائٹس میں باقاعدگی سے شرکت کرتا ہے۔ یہ تقریب رمضان المبارک کے دوران ہر ملک کے ثقافتی اور روایتی ماحول کی نمائش کا موقع فراہم کرتی ہے۔
Short Link: https://urdu.app.com.pk/urdu/?p=572376
