سعودی عرب کے بیشتر علاقوں میں پیر تک گرج چمک کے ساتھ بارش کا امکان ہے،قومی مرکز موسمیات

ریاض۔15مارچ (اے پی پی):سعودی عرب موسمیات کے قومی مرکز نے کہا ہےکہ مملکت کے بیشتر علاقوں میں پیر تک گرج چمک کے ساتھ بارش کا امکان ہے۔ اردو نیو زکے مطابق مکہ مکرمہ میں گرد آلود طوفان کے ساتھ ہلکی سے درمیانے درجے کی بارش کا امکان ہے۔ مکہ شہر، الجموم، الکامل، طائف، میسان، اضم، العرضیات، المویہ، الخرمہ، رنیہ اور تربہ شامل ہیں۔مدینہ منورہ میں العلا، العیص، بدر، مدینہ منورہ، خیبر، الحناکیہ، وادی الفرع اور المھد میں ہلکی سے درمیانی بارش کا امکان ہے۔

قومی مرکز کا کہنا ہے تبوک کا علاقے تیما میں درمیانے درجے کی بارش اور تیز ہواؤں کا امکان ہے۔ دارالحکومت ریاض، حائل، نجران، مشرقی ریجن، شمالی حدود ریجن، الجوف، الباحہ اور جازان کے علاقوں میں گرد آلود ہواؤں کے ساتھ ہلکی سے درمیانے درجے کی بارش متوقع ہے۔

Short Link: https://urdu.app.com.pk/urdu/?p=572864