اسلام آباد۔15اپریل (اے پی پی):شاہ سلمان ہیومنٹیرین ایڈ اینڈ ریلیف سینٹر’مسام‘ کی ٹیموں نے رواں ماہ کے دوسرے ہفتے کے دوران یمن کے مختلف علاقوں سے 955 بارودی سرنگیں صاف کیں۔ایس پی اےکے مطابق ’مسام‘ سینٹر کی جانب سے صاف کی جانے والی بارودی سرنگوں میں 24 ٹینک شکن اور ایک انسانوں کے لیے لگائی جانے والی بارودی سرنگ شامل تھی۔سینٹر کی ٹیموں نے مختلف مقامات سے 913 دھماکہ خیز مواد بھی اور 17 بم بھی برآمد کرکے انہیں ناکارہ بنا دیا۔
مسام کی ٹیموں نے عدن کمشنری میں 851 دھماکہ خیز مواد جبکہ 17 بم ناکارہ بنائے جبکہ الحدیدہ کمشنری میں انسانوں کے لیے ہلاکت کا باعث بننے والی ایک تباہ کن باردوی سرنگ کو نکالا جبکہ لحج کمشنری میں دھماکہ خیز مواد کے تین ذخیرے برآمد کئے۔واضح رہے رواں ماہ اپریل میں اب تک مجموعی طور پر یمن کے مختلف علاقوں سے مسام کی ٹیمیں 1498 بارودی سرنگوں کی صفائی کر چکی ہیں جن کی موجودگی کے باعث معصوم لوگوں کی جانوں کو شدید خطرہ لاحق تھا۔
Short Link: https://urdu.app.com.pk/urdu/?p=582032
