اسلام آباد۔24اپریل (اے پی پی):ٹیکسٹائل مشینری کی درآمدات میں جاری مالی سال کے پہلے 9 ماہ ( جولائی تا مارچ)کے دوران سالانہ بنیاد پر 58 فیصد اضافہ ریکارڈکیاگیا ۔ ادارہ برائے شماریات کے مطابق مالی سال کے پہلے 9 ماہ کے دوران ٹیکسٹائل مشینری کی درآمد پر 164 ملین ڈالر زرمبادلہ خرچ ہوا جو گزشتہ مالی سال کی اسی مدت کے مقابلے میں 58 فیصد زیادہ ہے، گزشتہ مالی سال کی اسی مدت میں ٹیکسٹائل مشینری کی درآمدات کا حجم 104 ملین ڈالر ر ہاتھا۔
مارچ میں ٹیکسٹائل مشینری کی درآمد پر 16 ملین ڈالر زرمبادلہ خرچ ہوا جو گزشتہ سال مارچ کے مقابلے میں 68 فیصد زیادہ ہے ، گزشتہ سال مارچ میں ٹیکسٹائل مشینری کی درآمد کا حجم 9 ملین ڈالر ریکارڈکیاگیا تھا۔
فروری کے مقابلے میں مارچ میں ٹیکسٹائل مشینری کی درآمدات میں ماہانہ بنیاد پر 22 فیصد کمی ہوئی ، فروری میں ٹیکسٹائل مشینری کی درآمدات کاحجم 20 ملین ڈالر ریکارڈکیاگیا جو مارچ میں کم ہو کر 16 ملین ڈالر ہو گیا۔
واضح رہے کہ مالی سال کے پہلے 9 ماہ میں مشینری گروپ کی مجموعی درآمدات کا حجم 6.65 ارب ڈالر ریکارڈکیاگیا جو گزشتہ مالی سال کی اسی مدت کے 5.85 ارب ڈالر کے مقابلے میں 14 فیصد زیادہ ہے۔
Short Link: https://urdu.app.com.pk/urdu/?p=586979
