جرمنی میں منعقدہ بین الاقوامی تجارتی نمائش میں شرکت کے لئے درخواستیں کل تک طلب

اسلام آباد۔14مئی (اے پی پی):ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ جرمنی میں منعقد ہونے والی بین الاقوامی تجارتی نمائش ’’ آٹومکینیکا 2025‘‘ میں شرکت کے لئے درخواستیں کل 15 مئی تک جمع کروائی جاسکتی ہیں ۔

ٹی ڈی اے پی کی جانب سے جاری تفصیلات کے مطابق نمائش جرمنی میں 8 ستمبر سے 12 ستمبر تک جاری رہے گی جس میں گاڑیوں کے سپئیر پارٹس ، باڈی پارٹس، کار کمپائونڈ اور کار ٹیونگ آئیٹم سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔

Short Link: https://urdu.app.com.pk/urdu/?p=596779