آئی جی پنجاب نے ایک اورشہید پولیس اہلکار کی فیملی کو گھر دے دیا،ترجمان

لاہور۔16مئی (اے پی پی):آئی جی پنجاب ڈاکٹر عثمان انور نے فرض کی راہ میں شہادت کا رتبہ پانے والے ایک اور پولیس اہلکار کی فیملی کو گھر دے دیا۔ترجمان پنجاب پولیس کے مطابق شہید کانسٹیبل محمد طارق کے اہل خانہ کو 01 کروڑ 35 لاکھ روپے مالیت کا گھر خرید کر دیا گیا، شہید کے اہلخانہ کو انکی پسند کے مطابق راجن پور کے علاقے جام پور میں گھر خرید کر فراہم کیا گیا۔

ترجمان پنجاب پولیس نے بتایا کہ شہید کانسٹیبل محمد طارق نے 2024 میں کچہ ایریا میں ڈاکوں کے ساتھ مقابلے میں جام شہادت نوش کیا۔ شہید کانسٹیبل محمد طارق کے اہلخانہ میں والدین 02 بھائی اور 03 بہنیں شامل ہیں۔آئی جی پنجاب ڈاکٹر عثمان انور کی خصوصی کاوش پر حکومت پنجاب نے شہید کے اہلخانہ کو گھر کیلئے فنڈز جاری کئے۔

Short Link: https://urdu.app.com.pk/urdu/?p=597710