سیالکوٹ۔29جولائی (اے پی پی):سیالکوٹ چیمبر آف کامرس اینڈ انڈسٹری (ایس سی سی آئی) کے عہدیداران نے سیالکوٹ ایکسپو سینٹر منصوبے کی پیشرفت پر تبادلہ خیال کے لیے ٹریڈ ڈویلپمنٹ اتھارٹی آف پاکستان (ٹی ڈی اے پی) کے ڈائریکٹر جنرل خالد رسول سے ملاقات کی۔ ملاقات کے دوران فریقین نے منصوبے کی فزیبلٹی رپورٹ پر جاری کام کا جائزہ لیا جو اس وقت تیاری کے مراحل میں ہے۔ توقع ہے کہ …
سیالکوٹ چیمبر آف کامرس اینڈ انڈسٹری کے عہدیداران کی ڈائریکٹر جنرل ٹی ڈی اے پی خالد رسول سے ملاقات
سیالکوٹ۔29جولائی (اے پی پی):سیالکوٹ چیمبر آف کامرس اینڈ انڈسٹری (ایس سی سی آئی) کے عہدیداران نے سیالکوٹ ایکسپو سینٹر منصوبے کی پیشرفت پر تبادلہ خیال کے لیے ٹریڈ ڈویلپمنٹ اتھارٹی آف پاکستان (ٹی ڈی اے پی) کے ڈائریکٹر جنرل خالد رسول سے ملاقات کی۔ ملاقات کے دوران فریقین نے منصوبے کی فزیبلٹی رپورٹ پر جاری کام کا جائزہ لیا جو اس وقت تیاری کے مراحل میں ہے۔
توقع ہے کہ فزیبلٹی کو حتمی شکل دی جائے گی اور اسے ای ڈی ایف (ایکسپورٹ ڈویلپمنٹ فنڈ)بورڈ کے آئندہ اجلاس میں غور کے لیے پیش کیا جائے گا۔ مجوزہ سیالکوٹ ایکسپو سینٹر کا مقصد خطے میں تجارتی اور برآمدی سرگرمیوں کو فروغ دینا اور مقامی صنعت کی نمائش اور بین الاقوامی کاروباری رابطوں کو فروغ دینے کے لیے ایک وقف پلیٹ فارم فراہم کرنا ہے۔ ایس سی سی آئی کے سینئر نائب صدر وسیم شہباز لودھی اور نائب صدر عمر خالد بھی اس موقع پر موجود تھے۔
