حلقہ این اے-185 ڈی جی خان میں ضمنی انتخاب کیلئے امیدواروں کی ابتدائی فہرست کل جاری کی جائے گی

اسلام آباد۔12دسمبر (اے پی پی):قومی اسمبلی کے حلقہ این اے-185 ڈی جی خان میں ضمنی انتخاب کیلئے امیدواروں کی ابتدائی فہرست (کل) ہفتہ کو جاری کی جائے گی جبکہ ریٹرننگ آفیسر کی جانب سے کاغذات نامزدگی کی جانچ پڑتال 18 دسمبر تک ہو گی۔

الیکشن کمیشن کی جانب سے جاری شیڈول کے مطابق ریٹرننگ آفیسر کی جانب سے کاغذات نامزدگی منظور یا مسترد کئے جانے کے خلاف اپیلیں 22 دسمبر جبکہ اپیلٹ ٹربیونل کی جانب سے ان پر فیصلے 29 دسمبر تک ہوں گے۔

امیدواروں کی نظرثانی شدہ فہرست 30 دسمبر ، کاغذات نامزدگی 31 دسمبر تک واپس لئے جا سکیں گے جبکہ انتخابی نشانات یکم جنوری 2026 کو الاٹ کئے جائیں گے اور پولنگ 25 جنوری کو ہو گی۔