لاہور۔11جنوری (اے پی پی):لاہور پریس کلب کے دوسرے چیس ٹورنامنٹ میں عدنان بٹ نے پہلی پوزیشن حاصل کرکے چیمپئین شپ جیت لی ۔ لاہور پریس کلب کی گورننگ باڈی نے لاہور ڈسٹرکٹ چیس ایسوسی ایشن کے تعاون سے لاہورپریس کلب کی تاریخ کے دوسرے ٹورنامنٹ کا اہتمام کیا،چیس ٹورنامنٹ کے میچز دلچسپ اور سنسنی خیز رہے جس میں تمام ممبران کھلاڑیوں نے بھرپورتیاری کے ساتھ شرکت کی۔ ٹورنامنٹ میں دوسری …
لاہور پریس کلب،چیس ٹورنامنٹ چیمپئین شپ عدنان بٹ نے جیت لی
لاہور۔11جنوری (اے پی پی):لاہور پریس کلب کے دوسرے چیس ٹورنامنٹ میں عدنان بٹ نے پہلی پوزیشن حاصل کرکے چیمپئین شپ جیت لی ۔ لاہور پریس کلب کی گورننگ باڈی نے لاہور ڈسٹرکٹ چیس ایسوسی ایشن کے تعاون سے لاہورپریس کلب کی تاریخ کے دوسرے ٹورنامنٹ کا اہتمام کیا،چیس ٹورنامنٹ کے میچز دلچسپ اور سنسنی خیز رہے جس میں تمام ممبران کھلاڑیوں نے بھرپورتیاری کے ساتھ شرکت کی۔
ٹورنامنٹ میں دوسری پوزیشن ریاض احمد بھٹی جبکہ تیسری پوزیشن پرسید بدرسعید فاتح قرارپائے۔لاہورپریس کلب کے سینئر نائب صدر افضال طالب نے چیس ٹورنامنٹ کے فاتحین میں کلب کی جانب سے نقد انعامات، شیلڈز اور سرٹیفکیٹس تقسیم کئے۔اس موقع پرانہوں نے چیس ٹورنامنٹ کے فاتحین کو مبارکباد پیش کرتے ہوئے کہا کہ چیس ایک اعلی ذہنی مہارت کاکھیل اور ہمیں فخرہے کہ کھیلوں کے دیگر میدانوںکی طرح چیس میں بھی صحافی بہترین مہارت کے حامل ہیں۔ انھوں نے ڈسٹرکٹ اور دیگر ملکی سطح پر بھی ممبران کے لئے چیس ٹورنامنٹ کے انعقاد کا اعلان کیااورسینئر صحافی ڈاکٹررفیع جمال اوران کی ٹیم کو چیس ٹورنامنٹ کے شاندار انعقاد پر سراہا۔
