آسٹریلین اوپن ٹینس ٹورنامنٹ کا آغاز 18جنوری سے میلبورن میں شروع ہوگا، تیاریاں اختتامی مراحل میں

میلبورن۔12جنوری (اے پی پی):انٹرنیشنل ٹینس فیڈریشن (آئی ٹی ایف )کے زیر اہتمام آسٹریلین اوپن ٹینس ٹورنامنٹ کا 114 واں ایڈیشن 18 جنوری سے آسٹریلیا کے مشہور شہر میلبورن میں شروع ہوگا۔ ٹورنامنٹ انتظامیہ کے مطابق میگا ایونٹ کے کامیاب انعقاد کے لئے جاری تیاریاں اپنے اختتامی مرحل میں پہنچ گئیں ہیں۔

آسٹریلین اوپن ٹینس کا 114 واں ایڈیشن جبکہ اوپن ایرا میں 58 واں اوررواں سال کا پہلا گرینڈ سلام ہوگا جو میلبورن پارک میں 18جنوری سے شروع ہوکر یکم فروری تک کھیلا جائے گا۔ ہارڈ کورٹ پر کھیلے جانے والے میگا ایونٹ میں مینز سنگلز، مینز ڈبلز ،ویمنز سنگلز ، ویمنز ڈبلز ، مکسڈ ڈبلز کے علاوہ جونیئر اور وہیل چیئر کھلاڑیوں کے سنگلز اور ڈبلز کیٹیگریز کے مقابلے ہوں گے۔

اٹلی کے نامور ٹینس سٹار اور عالمی نمبر ایک جینک سنر مردوں کے سنگلز مقابلوں کے اورامریکی نامور ٹینس سٹار دفاعی چیمپئن میڈیسن کیز خواتین کے سنگلز مقابلوں میں دفاعی چیمپئن ہیں۔نوویک جوکووچ گیارہویں مرتبہ آسٹریلین اوپن کا ٹائٹل اپنے نام کرنے کے لئے ایکشن میں ہوں گے۔38 سالہ سربین ٹینس سٹار نوویک جوکووچ اپنے کیریئر میں سب سے زیادہ 24 گرینڈ سلام ٹائٹلز اپنے نام کر چکے ہیں جن میں سے آسٹریلین اوپن انہوں نے 10 مرتبہ اپنے نام کیاہے۔

وہ 2008سے 2023 کے دوران 10 مرتبہ آسٹریلین اوپن کے ٹائٹلز اپنے نام کر چکے ہیں ۔جوکووچ پر امید ہیں کہ وہ اس مرتبہ آسٹریلین اوپن کا اپنے نام کریں گے اور گیارہویں مرتبہ آسٹریلین اوپن کا ٹائٹل اپنے نام کرنے کے لئے سرتوڑ کوشش کریں گے۔