سپینش لالیگا میں سیلٹا ویگونے سیویلاکو سخت مقابلے کے بعد 0-1گول سے ہرا دیا

میڈرڈ۔13جنوری (اے پی پی):سیلٹا ویگو نے ہسپانوی فٹ بال لیگ لالیگا کے اپنے 19ویں میچ میں سیویلاکو ہرا کر ٹیبل پر ساتویں پوزیشن حاصل کرلی ۔ای ایس پی این کے مطابق سیلٹا ویگو کی ٹیم نے سخت مقابلے کے بعد سیویلاکی ٹیم کو 0-1 گول سے ہرا دیا۔یہ سیلٹا ویگو کی سپینش لیگ لالیگا میں ساتویں فتح ہے۔

سیلٹا ویگو کی جانب سے مارکوس الونسو نے فیصلہ کن گول کر کے اپنی ٹیم کی فتح میں اہم کردار ادا کیا۔ اس کامیابی کے بعد فاتح ٹیم نے قیمتی تین پوائنٹس حاصل کرنے کے ساتھ ٹیبل پر ساتویں پوزیشن حاصل کرلی ۔ سپینش لیگ لالیگا کے دلچسپ مقابلوں کا سلسلہ سپین میں میں جاری ہے جس میں سائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں ۔

منگل کو سپین کے شہر سیویلارامون سانچیز پیزجوان سٹیڈیم میں کھیلے گئے میچ میں سیلٹا ویگواور میزبان سیویلا کی ٹیم آمنے سامنے تھیں جس میں انتہائی سخت مقابلے کے بعد سیلٹا ویگو کی ٹیم نے حریف میزبان ٹیم سیویلا کو 0-1 گول سے ہرا دیا۔ سیلٹا ویگو کی جانب سے میچ کا فیصلہ کن گول مارکوس الونسو نے 88ویں منٹ پر سکور کر کے اپنی ٹیم کی کامیابی میں کلیدی کردار ادا کیا۔ میزبان سیویلا کی ٹیم بہت کوشش کے باوجود کوئی گول نہ کر سکی۔ یہ سیلٹا ویگو کی لیگ میں ساتویں فتح ہے ۔