چین کے شہریوں کی فی کس قابل استعمال آمدنی میں 5فیصد اضافہ

بیجنگ۔19جنوری (اے پی پی):چین کے شہریوں کی فی کس قابل استعمال آمدنی میں سال 2025 کے دوران 5فیصد کا اضافہ ریکارڈ کیا گیا۔ سی جی ٹی این کے مطابق قومی محکمہ شماریات نے بتایا کہ 2025 میں چینی باشندوں کی فی کس قابل استعمال آمدنی 43 ہزار 377 یوان رہی جو کہ پچھلے سال کے مقابلے میں 5 فیصد کے نامیاتی اضافے کے برابر ہے، قیمتوں کے عوامل کو مدنظر رکھنے کے بعد بھی حقیقی اضافہ 5 فیصد رہا۔

شہری باشندوں کی فی کس قابل استعمال آمدنی 56 ہزار 502 یوان رہی جو نامیاتی طور پر پچھلے سال سے 4.3 فیصد زیادہ اور حقیقی طور پر 4.2 فیصد زیادہ رہی، دیہی باشندوں کی فی کس قابل استعمال آمدنی 24 ہزار 456 یوان تک جا پہنچی جو نامیاتی طور پر پچھلے سال سے 5.8 فیصد اور حقیقی طور پر 6 فیصد زیادہ ہے۔علاوہ ازیں، مقررہ سائز سے بالا صنعتی اداروں کی اضافی قدر میں گزشتہ سال کے مقابلے میں 5.9 فیصد اضافہ ہوا،سی پی آئی پچھلے سال کے برابر رہا اور سماجی صارف اشیاء کی خوردہ فروخت کی کل مالیت 50120.2 ارب یوان رہی جو پچھلے سال کے مقابلے میں 3.7 فیصد زیادہ ہے۔