چین کے سینٹرل ایس او ایز کے اثاثوں کی مجموعی مالیت 95 ٹریلین یوآن سے متجاوز

بیجنگ۔28جنوری (اے پی پی):چین کے سینٹرل ایس او ایز کے اثاثوں کی مجموعی مالیت سال 2025 کے دوران 95 ٹریلین یوآن سے تجاوز کر گئی۔ سی جی ٹی این کے مطابق چینی ریاستی کونسل کے انفارمیشن آفس نے 2025 میں مرکزی حکومت کے زیرانتظام سرکاری ملکیت والے صنعتی و کاروباری اداروں ( سینٹرل ایس او ایز) کی اعلیٰ معیار کی ترقی کو متعارف کروانے اور صحافیوں کے سوالات کے جوابات دینے کے لیے ایک پریس کانفرنس کا انعقاد کیا ۔

پریس کانفرنس میں بتایا گیا کہ 2025 کے آخر تک سینٹرل ایس او ایز کے کل اثاثے 95 ٹریلین یوآن سے تجاوز کر چکے ہیں۔ 2025 میں کل منافع 2.5 ٹریلین یوآن تک پہنچا، فکسڈ اثاثوں کی سرمایہ کاری 5.1 ٹریلین یوآن تک پہنچی جبکہ ٹیکس کی ادائیگی 2.5 ٹریلین یوآن ریکارڈ کی گئی ،صنعتی سلسلے میں اپ اسٹریم اور ڈاؤن اسٹریم انٹرپرائزز کی مربوط ترقی کو مؤثر طریقے سے آگے بڑھایا گیا ہے اور چین کی اقتصادی اور سماجی ترقی کے اہم اہداف کو کامیابی سے مکمل کر کے ایک مضبوط حمایت فراہم کی گئی ہے۔

پریس کانفرنس میں اعلان کیا گیا کہ 2025 میں سینٹرل ایس او ایز نے آر اینڈ ڈی سیکٹر میں 1.1 ٹریلین یوآن کی سرمایہ کاری کی، جس نے لگاتار چار سال تک ایک ٹریلین یوآن سے تجاوز کیا ، سٹریٹجک ابھرتی ہوئی صنعتوں میں 2.5 ٹریلین یوآن کی سرمایہ کاری مکمل کی جو کل سرمایہ کاری کا 41.8 فیصد بنتا ہے، جس سے قومی سٹریٹجک اور تکنیکی قوتوں کا کردار نمایاں ہوا ہے ۔چودہویں پانچ سالہ منصوبے کے دوران سینٹرل ایس او ایز کے کل اثاثوں کی اوسط سالانہ شرح نمو 6.9 فیصد تک پہنچ گئی۔