چائنا میڈیا گروپ اور چین کی وزارت صنعت و انفارمیشن ٹیکنالوجی کااسٹریٹجک تعاون کا معاہدہ

بیجنگ ۔31جنوری (اے پی پی):چین کی وزارت صنعت و انفارمیشن ٹیکنالوجی اور چائنا میڈیا گروپ کے درمیان اسٹریٹجک تعاون کے فریم ورک کے معاہدے پر دستخط کی تقریب اور صنعتی ثقافت کے پروگرام "چینی کاریگروں کا ریکارڈ” کی تخلیق پر سیمینار کا انعقاد بیجنگ میں ہوا۔ چینی میڈیا کے مطابق چین کے وزیر صنعت و انفارمیشن ٹیکنالوجی لی لہ چھنگ اور چائنا میڈیا گروپ کے صدر شن ہائی شیونگ نے تقریب میں شرکت کی اور مشترکہ طور پر معاہدے پر دستخط کی تقریب میں شرکت کی۔معاہدہ کے تحت چین کی وزارت صنعت و انفارمیشن ٹیکنالوجی اور چائنا میڈیا گروپ موضوعاتی تشہیر، میڈیا تعاون اور بین الاقوامی مواصلات سمیت دیگر شعبوں میں اسٹریٹجک شراکت داری قائم کریں گے ۔