آئی سی سی ٹی ٹونٹی ورلڈ کپ کے سلسلہ میں میڈیا سرگرمیوں کا شیڈول جاری کر دیا گیا

کینیڈی۔24فروری (اے پی پی):آئی سی سی ٹی ٹونٹی ورلڈ کپ کے سلسلہ میں میڈیا سرگرمیوں کا شیڈول جاری کر دیا گیا ہے۔کولمبو میں سری لنکا اور نیوزی لینڈ کے درمیان گروپ 2 کے سپر 8 مرحلے کا میچ آر پریماداسا اسٹیڈیم میں مقامی وقت کے مطابق شام 7 بجے کھیلا جائے گا۔ میچ کے اختتام کے تقریباً 15 منٹ بعد دونوں ٹیمیں میڈیا سے گفتگو کریں گی۔ روایت کے مطابق پہلے ہارنے والی ٹیم اور اس کے بعد جیتنے والی ٹیم پریس کانفرنس کرے گی۔احمد آباد میں ویسٹ انڈیز اور جنوبی افریقہ کے درمیان گروپ 1 کے سپر 8 مرحلے کا میچ جمعرات کو نریندر مودی اسٹیڈیم میں سہ پہر 3 بجے کھیلا جائے گا۔

بدھ کے روز جنوبی افریقہ کی ٹیم دوپہر 12 بج کر 30 منٹ پر اسی اسٹیڈیم میں ٹریننگ سیشن کرے گی جبکہ دوپہر تقریباً 1 بج کر 15 منٹ پر پریس کانفرنس روم میں میڈیا سے گفتگو کرے گی۔ ویسٹ انڈیز کی ٹیم شام 4 بج کر 30 منٹ پر ٹریننگ کرے گی جبکہ اس سے قبل شام 4 بجے پریس کانفرنس روم میں میڈیا سے بات چیت کرے گی۔چنئی میں بھارت اور زمبابوے کے درمیان گروپ 1 کے سپر 8 مرحلے کا میچ جمعرات کو ایم اے چدمبرم اسٹیڈیم میں شام 7 بجے کھیلا جائے گا۔ بدھ کے روز بھارتی ٹیم دوپہر 2 بجے ٹریننگ سیشن کرے گی اور شام تقریباً 4 بجے پریس کانفرنس روم میں میڈیا سے گفتگو کرے گی۔

زمبابوے کی ٹیم شام 6 بجے ٹریننگ کرے گی جبکہ اس سے قبل شام 5 بج کر 45 منٹ پر پریس کانفرنس روم میں میڈیا سے بات چیت کرے گی۔احمد آباد میں میڈیا سے متعلق مزید معلومات کے لیے متعلقہ میڈیا منیجر سے رابطہ کیا جا سکتا ہے۔