لاہور۔20مارچ (اے پی پی):پاکستان اور ازبکستان کی قیادت نے دو طرفہ تعلقات پر اطمینان کا اظہار کرتے ہوئے خلیج میں کشیدہ صورتحال اور تنازعات کو سفارتکاری اور بات چیت سے حل کرنے کرنے پر زور دیا ہے۔ وزیراعظم محمد شہباز شریف نے جمعہ کو جمہوریہ ازبکستان کے صدر شوکت مرزایوف سے ٹیلیفون پر گفتگو کی ۔ وزیر اعظم آفس کے میڈیا ونگ کی طرف سے جاری بیان کے مطابق دونوں …
وزیراعظم محمد شہباز شریف کی جمہوریہ ازبکستان کے صدر شوکت مرزایوف سے ٹیلیفون پر گفتگو
مزید خبریں
لاہور۔20مارچ (اے پی پی):پاکستان اور ازبکستان کی قیادت نے دو طرفہ تعلقات پر اطمینان کا اظہار کرتے ہوئے خلیج میں کشیدہ صورتحال اور تنازعات کو سفارتکاری اور بات چیت سے حل کرنے کرنے پر زور دیا ہے۔ وزیراعظم محمد شہباز شریف نے جمعہ کو جمہوریہ ازبکستان کے صدر شوکت مرزایوف سے ٹیلیفون پر گفتگو کی ۔
وزیر اعظم آفس کے میڈیا ونگ کی طرف سے جاری بیان کے مطابق دونوں رہنماؤں نے عیدالفطر کے مبارک موقع پر تہنیتی پیغامات کا تبادلہ کیا۔ باہم گرمجوش گفتگو کے دوران وزیراعظم نے صدر ازبکستان اور برادر عوام کے لیے دلی نیک تمناؤں کا اظہار کیا ،جسے ازبک صدر نے نہایت خلوص کے ساتھ قبول کیا اور وزیر اعظم کے لئے بھی نیک خواہشات کا اظہار کیا۔
دونوں رہنماؤں نے گزشتہ ماہ صدر ازبکستان کے دورۂ پاکستان کے انتہائی کامیاب نتائج پر اطمینان کا اظہار کیا۔ وزیراعظم نے کہا کہ دونوں رہنماؤں کے درمیان طے پانے والے اہم فیصلوں پر باقاعدہ پیش رفت سے دوطرفہ تعلقات مزید مستحکم ہوں گے۔ دونوں رہنماؤں نے ایران اور خلیجی خطے میں جاری کشیدگی پر بھی تبادلہ خیال کیا اور اس بات پر زور دیا کہ فوری طور پر کشیدگی میں کمی لائی جائے اور تمام تنازعات کے حل کے لیے مکالمے اور سفارتکاری کو فروغ دیا جائے۔
