عالمی ادارہ صحت نے سعودی شہر حائل کو ’شہرِ صحت‘ قرار دے دیا

ریاض ۔18اپریل (اے پی پی):عالمی ادارۂ صحت (ڈبلیو ایچ او) نے عوامی صحت بہتر بنانے اور معیارِ زندگی بلند کرنے کی کوششوں کے لیے شمال مغربی سعودی عرب کے شہر حائل کو "شہرِ صحت” قرار دیا ہے۔العربیہ کے مطابق سعودی وزارتِ صحت کے ایک بیان میں کہا گیا کہ یہ اعلان جمعرات کو ایک تقریب کے دوران ہوا جس میں حائل ریجن کے گورنر شہزادہ عبدالعزیز بن سعد بن عبدالعزیز اور وزیرِ صحت فہد الجلاجل سمیت اعلیٰ حکام شریک تھے۔

بیان میں کہا گیا کہ اس تقریب سے صحت مند شہروں کے پروگرام کے اہداف پورے کرنے میں خطے کی پیش رفت بشمول وہ اقدامات نمایاں ہوئے جنہوں نے صحت کے اشارے بہتر بنانے، صحت مند طرزِ زندگی کو فروغ دینے اور ایک معاون شہری ماحول کو ترقی دینے میں کردار ادا کیا ہے۔تقریب میں ایک پریزنٹیشن میں "مذکورہ اعزاز کے اعتراف کی طرف حائل کا سفر دکھایا گیا جس میں صحتِ عامہ، شہری ترقی اور کمیونٹی کی فلاح و بہبود میں اہم کامیابیوں کا خاکہ شامل تھا۔

سعودی عرب میں صحت مند شہروں کی تعداد اب 17 ہو گئی ہے، اس بات کو نمایاں کرتے ہوئے الجلاجل نے کہا کہ یہ اعتراف "صحت کے اشاروں میں مملکت کی جاری پیشرفت کی عکاسی کرتا ہے۔