سرگودھا پولیس کی جانب سے نمازِ جمعہ کے موقع پر سکیورٹی کے فول پروف انتظامات کئے گئے۔ ڈسٹرکٹ پولیس آفیسر سرگودھا محمد صہیب اشرف کی ہدایت پر ضلع بھر میں نمازِ جمعہ کے اجتماعات کے لیے سکیورٹی کے سخت انتظامات کیے گئے۔ کسی بھی ناخوشگوار واقعے سے نمٹنے اور امن و امان کی فضاء برقرار رکھنے کے لیے اہم مساجد اور امام بارگاہوں پر 500 سے زائد مسلح پولیس افسران …
سرگودھا پولیس کی جانب سے نمازِ جمعہ کے موقع پر سکیورٹی کے فول پروف انتظامات
سرگودھا ۔ 05 جون (اے پی پی):سرگودھا پولیس کی جانب سے نمازِ جمعہ کے موقع پر سکیورٹی کے فول پروف انتظامات کئے گئے۔ ڈسٹرکٹ پولیس آفیسر سرگودھا محمد صہیب اشرف کی ہدایت پر ضلع بھر میں نمازِ جمعہ کے اجتماعات کے لیے سکیورٹی کے سخت انتظامات کیے گئے۔ کسی بھی ناخوشگوار واقعے سے نمٹنے اور امن و امان کی فضاء برقرار رکھنے کے لیے اہم مساجد اور امام بارگاہوں پر 500 سے زائد مسلح پولیس افسران اور جوانوں کو تعینات کیا گیا۔ ایلیٹ فورس کے دستے حساس علاقوں اور عبادت گاہوں کے گردونواح میں مسلسل گشت کرتے رہے۔ اہم مقامات پر واک تھرو گیٹس اور میٹل ڈیٹیکٹرز کا استعمال یقینی بنایا گیا۔
ٹریفک کی روانی کو برقرار رکھنے کے لیے ٹریفک پولیس کے افسران اور جوان بھی فیلڈ میں موجود رہے۔ اسکے علاوہ مساجد اور عبادت گاہوں پر پارکنگ کے لیے الگ مقامات مختص کیے گئے تاکہ شہریوں کو دشواری کا سامنا نہ کرنا پڑے۔ اس موقع پر ڈسٹرکٹ پولیس آفیسر سرگودھا کا کہنا تھا کہ شہریوں کی جان و مال کے تحفظ کو یقینی بنانے کے لیے پولیس ہر لمحہ کوشاں رہے گی۔
