کویت کے وزیر خارجہ شیخ جراح جابر الاحمد الصباح پاکستان کے کامیاب سرکاری دورے کے بعد اسلام آباد سے روانہ

اسلام آباد۔29جولائی (اے پی پی):کویت کے وزیر خارجہ شیخ جراح جابر الاحمد الصباح پاکستان کے کامیاب سرکاری دورے کے بعد اسلام آباد سے روانہ ہو گئے۔بدھ کو وزارت خارجہ سے جاری بیان کے مطابق ایڈیشنل سیکریٹری (مشرق وسطیٰ) زاہد حسین نے اسلام آباد انٹرنیشنل ایئرپورٹ پر معزز مہمان کو الوداع کیا۔اس دورے نے پاکستان اور کویت کے درمیان دیرینہ برادرانہ تعلقات کی ایک بار پھر توثیق کی اور اس مشترکہ عزم کی عکاسی کی کہ دونوں ممالک مختلف شعبوں میں دوطرفہ تعاون کو مزید وسعت اور مضبوطی فراہم کریں گے۔