لیونل میسی کا ارجنٹائن کی جانب سے الوداعی میچ 6 اکتوبر کوکھیلا جائے گا، بینن کے خلاف میدان میں اتریں گے

بیونس آئرس۔16ستمبر (اے پی پی):ارجنٹائن کے نامور فٹ بالر لیونل میسی کو 6 اکتوبر کو بینن کے خلاف ہونے والے دوستانہ میچ کے لئے قومی سکواڈ میں شامل کر لیا گیا ہے، جو گزشتہ ماہ بین الاقوامی فٹ بال سے ریٹائرمنٹ کے اعلان کے بعد ان کا الوداعی میچ ہوگا۔

ڈھاکہ ٹریبیون کے مطابق 39 سالہ لیونل میسی گزشتہ ماہ ارجنٹائن کی قومی ٹیم سے ریٹائرمنٹ کا اعلان کیا تھا۔ 2 دہائیوں پر محیط بین الاقوامی کیریئر میں انہوں نے 2022 کا ورلڈ کپ جبکہ 2021 اور 2024 میں کوپا امریکا کے ٹائٹل جیتے۔ ارجنٹائن فٹ بال ایسوسی ایشن کے صدر کلاڈیو ٹاپیا نے بتایا کہ دنیا کے بہترین کھلاڑی اور کپتان لیونل میسی کو 6 اکتوبر کو ارجنٹائن میں شاندار الوداعی خراج تحسین پیش کرنے کے لیے مدعو کیا گیا ہے۔یہ میچ بیونس آئرس کے ریور پلیٹ اسٹیڈیم میں کھیلا جائے گا، جہاں 85,000 تماشائیوں کی گنجائش ہے۔ کلاڈیو ٹاپیا نے 2022 ورلڈ کپ جیتنے والی تمام ٹیم کو بھی اس یادگار موقع پر شرکت کی دعوت دی ہے۔

اپنے والد کے انتقال کے بعد لیونل میسی نے کہا تھا کہ یہ فیصلہ ان کے دل کے قریب ترین ہے لیکن اب آگے بڑھنے کا درست وقت آ چکا ہے۔ ان کا یہ قومی ٹیم کے لیے 208 واں اور آخری میچ ہوگا، جہاں وہ ارجنٹائن کی جانب سے 125 گولز کا ریکارڈ رکھتے ہیں۔ارجنٹائن کی ٹیم 30 ستمبر کو کورڈوبا میں بولیویا کے خلاف اور 3 اکتوبر کو برکینا فاسو کے خلاف بھی فرینڈلی میچز کھیلے گی۔ دوسری جانب فیفا نے انگلینڈ کے خلاف میچ کے دوران غیر ورزشی بینر لہرانے پر ارجنٹائن پر آئندہ ہوم میچ میں 50 فیصد تماشائیوں کی پابندی عائد کی ہے، جبکہ سپین کے خلاف ورلڈ کپ فائنل میں بدنظمی پر لیونڈرو پریڈیس پر 10، ناہوئل مولینا پر 7 اور تھیاگو الماڈا پر 1 میچ کی پابندی بھی لگائی گئی ہے۔