پاکستان نے مالی سال 2026 میں آم کے گودے کی برآمدات سے 11 لاکھ 30 ہزار ڈالر کمائے

اسلام آباد۔23اکتوبر (اے پی پی):پاکستان نے مالی سال 2026 کے دوران 13 بین الاقوامی منڈیوں کو 1.13 ملین ڈالر مالیت کا آم کا گودا برآمد کیا، جس کی مجموعی مقدار 1.53 ملین کلوگرام رہی۔ویلتھ پاکستان کو دستیاب سرکاری تجارتی اعدادوشمار کے مطابق لیبیا برآمدی مالیت اور مقدار دونوں لحاظ سے پاکستانی آم کے گودے کا سب سے بڑا خریدار رہا، جبکہ برآمدی آمدن کے لحاظ سے ترکیہ اور انگولا بالترتیب دوسرے اور تیسرے نمبر پر رہے۔

پاکستان کے آم کے گودے کی برآمدات میں لیبیا کا حصہ سب سے زیادہ رہا، جس نے 587,664 ڈالر مالیت کا 890,400 کلوگرام آم کا گودا درآمد کیا۔ اس طرح لیبیا کا پاکستان کی آم کے گودے کی مجموعی برآمدی آمدن میں حصہ 51.95 فیصد اور اس مدت کے دوران برآمد کی گئی مجموعی مقدار میں 58.16 فیصد رہا۔ترکیہ اور انگولا بھی پاکستانی آم کے گودے کے بڑے خریداروں میں شامل رہے۔ترکیہ کو 129,294.87 ڈالر مالیت کا 131,160 کلوگرام آم کا گودا برآمد کیا گیا، جبکہ انگولا نے 127,354.10 ڈالر مالیت کا 202,019.66 کلوگرام آم کا گودا درآمد کیا۔لیبیا، ترکیہ اور انگولا سے مجموعی طور پر پاکستان کی آم کے گودے کی برآمدی آمدن کا 74.64 فیصد حاصل ہوا، جبکہ باقی 10 منڈیوں کا حصہ 25.36 فیصد رہا۔

اسپین اور برطانیہ بھی پاکستانی آم کے گودے کی اہم برآمدی منڈیاں رہیں۔ اسپین نے 83,635.20 ڈالر مالیت کا 95,040 کلوگرام آم کا گودا درآمد کیا، جبکہ برطانیہ کو 69,632.71 ڈالر مالیت کا 47,965 کلوگرام آم کا گودا برآمد کیا گیا۔ان دونوں منڈیوں سے مجموعی طور پر تقریباً 153,268 ڈالر کی برآمدی آمدن حاصل ہوئی۔پاکستان نے امریکا اور سعودی عرب کو بھی آم کا گودا برآمد کیا۔ امریکا کو 56,467.61 ڈالر مالیت کا 47,654.4 کلوگرام آم کا گودا بھیجا گیا، جبکہ سعودی عرب نے 53,891.17 ڈالر مالیت کا 98,168 کلوگرام آم کا گودا خریدا۔اگرچہ امریکا کو برآمدات سے حاصل ہونے والی آمدن قدرے زیادہ رہی، تاہم سعودی عرب نے امریکی منڈی کو بھیجی گئی مقدار کے مقابلے میں دو گنا سے بھی زیادہ آم کا گودا درآمد کیا۔

دیگر منڈیوں نے بھی پاکستان کی آم کے گودے کی برآمدی آمدن میں حصہ ڈالا۔ افغانستان نے 8,852 ڈالر مالیت کا آم کا گودا درآمد کیا، جبکہ کینیڈا کو 5,599.87 ڈالر اور نیدرلینڈز کو 3,575 ڈالر مالیت کی برآمدات کی گئیں۔آسٹریلیا نے 3,175.96 ڈالر مالیت کا آم کا گودا درآمد کیا، جبکہ جرمنی اور نیوزی لینڈ کو بالترتیب 1,140.01 ڈالر اور 850.02 ڈالر مالیت کی برآمدات ریکارڈ کی گئیں۔مجموعی طور پر اعدادوشمار سے ظاہر ہوتا ہے کہ مالی سال 2025-26 کے دوران پاکستان کا آم کا گودا 13 بین الاقوامی منڈیوں تک پہنچا، جبکہ سات بڑی برآمدی منڈیوں سے مجموعی برآمدی آمدن کا 97.95 فیصد حاصل ہوا۔باقی چھ منڈیوں کا حصہ تقریباً 2.05 فیصد رہا، جس سے ظاہر ہوتا ہے کہ متعدد بین الاقوامی منڈیوں تک رسائی کے باوجود پاکستان کی آم کے گودے کی برآمدی آمدن کا بڑا حصہ نسبتاً محدود تعداد میں منڈیوں پر مرکوز رہا۔