آئندہ 24 گھنٹوں کے دوران ملک کے بیشتر علاقوں میں موسم خشک جبکہ بالائی علاقوں میں سرد رہنے کا امکان

اسلام آباد۔9نومبر (اے پی پی):آئندہ 24 گھنٹوں کے دوران ملک کے بیشتر علاقوں میں موسم خشک جبکہ بالائی علاقوں میں سرد رہنے کا امکان ہے جبکہ پنجاب کےمیدانی علاقوں میں سموگ جبکہ صبح /رات کے اوقات میں چند مقامات پر ہلکی دھند پڑنے کی توقع ہے۔

محکمہ موسمیات کے مطابق گزشتہ 24 گھنٹوں کے دوران ملک کے بیشتر علاقوں میں موسم خشک اور پہاڑی علاقوں میں سرد رہا۔ تاہم پنجاب کے چند میدانی اضلاع میں ہلکی سموگ چھائی رہی۔اتوار کو ریکارڈ کئے گئے کم سے کم درجہ حرارت : اسکردومنفی06، لہہ منفی05،بابوسرمنفی 04 ،زیارت منفی 03،گلگت ،استوراور گوپس میں منفی 02 ڈگری سینٹی گریڈ ریکارڈ کیا گیا ۔