آئندہ 24 گھنٹوں کے دوران ملک کے بیشتر علاقوں میں موسم گرم اور مرطوب رہے گا،محکمہ موسمیات

اسلام آباد۔15اگست (اے پی پی):آئندہ 24 گھنٹوں کے دوران ملک کے بیشتر علاقوں میں موسم گرم اور مرطوب رہے گا۔تاہم کشمیر،شمال مشرقی پنجاب،اسلام آباد، خطہ پوٹھوہار، بالائی خیبرپختونخوا اورگلگت بلتستان میں تیز ہواؤں اور گرج چمک کے ساتھ چند مقامات پر بارش کا امکان ہے۔

محکمہ موسمیات کے مطابق موسمیات نے کہا ہے کہ موجودہ صورتحال کے پیش نظر بحیرۂ عرب سےمعتدل مرطوب ہوائیں ملک کے بالائی علاقوں میں داخل ہو رہی ہیں۔ مغربی ہواؤں کا ایک سلسلہ بھی ملک کے شمال مغربی حصوں پر اثر انداز ہو رہا ہے۔گزشتہ 24 گھنٹوں کے دوران شمال مشرقی پنجاب، بالائی خیبرپختونخوا ،شمال مشرقی بلوچستان، گلگت بلتستان اور کشمیر میں چند مقامات پر تیز ہواؤں اور گرج چمک کے ساتھ بارش ہوئی۔ ملک کے دیگر علاقوں میں موسم گرم اور مرطوب رہا۔ سب سے زیادہ بارش پنجاب: چکوال 26، مری 15، سیالکوٹ (ایئرپورٹ 11، سٹی 08)، گجرات 05، منگلا 03، نارووال 02،خیبر پختونخوا: لوئر دیر 20، بالاکوٹ 14، مالم جبہ 06، کالام 02، پاراچنار 02، پٹن 01، کشمیر: مظفرآباد (ایئرپورٹ 06، سٹی 05)، گڑھی دوپٹہ 02، کوٹلی 02، بلوچستان: ژوب 22، خضدار 08، گلگت بلتستان گوپس 05، بابوسر 04، بونجی اور چلاس میں 01ملی میٹر بارش ریکارڈ کی گئی۔ ہفتہ کو ریکارڈ کئے گئے زیادہ سے زیادہ درجہ حرارت : دالبندین 45،نوکنڈی44 اور سبی میں 43ڈگری سینٹی گریڈ ریکارڈ کیا گیا۔