انٹربینک مارکیٹ میں امریکی ڈالر کے مقابلے میں پاکستانی روپے کی قدر میں اضافہ ریکارڈ کیا گیا

اسلام آباد۔16ستمبر (اے پی پی):پاکستان کی انٹربینک مارکیٹ میں امریکی ڈالر کے مقابلے میں پاکستانی روپے کی قدر میں اضافہ ریکارڈ کیا گیا ہے۔سٹیٹ بینک آف پاکستان کے مطابق بدھ کو انٹربینک مارکیٹ میں امریکی ڈالر کے مقابلے میں پاکستانی روپے کی قدر میں 03 پیسے کا اضافہ ریکارڈ کیا گیا ہے جس کے بعد اس کی نئی قیمت 277 روپے 27 پیسے ہو گئی ہے۔

انٹربینک مارکیٹ میں سعودی ریال کی قدر 73 روپے 81 پیسے جبکہ بحرینی دینار کی قدر 735 روپے 49 پیسے رہی۔اسی طرح عمانی ریال کی انٹربینک مارکیٹ میں قدر 720 روپے 17 پیسے رہی، کویتی دینار کی قدر 903 روپے 16 پیسے اور قطری ریال کی قدر 76 روپے 06 پیسے ریکارڈ کی گئی۔دوسری جانب اوپن مارکیٹ میں امریکی ڈالر کی قیمت خرید 278 روپے 05 پیسے اور قیمت فروخت 278 روپے 30 پیسے ریکارڈ کی گئی۔