ایران اور امریکا کے صدور کی ملاقات ممکن ہے، میکروں

پیرس ۔ 28 اگست (اے پی پی) فرانس کے صدر ایمانوئل میکروں نے کہا ہے کہ ایران اور امریکا کے درمیان دو طرفہ کشیدگی میں کمی کے لیے دونوں ملکوں کی سربراہ قیادت کی ملاقات ممکن ہے۔فرانسیسی صدر نے پیرس میں اپنے امریکی ہم منصب ڈونلڈ ٹرمپ کے ساتھ مشترکہ پریس کانفرنس سے خطاب میں ایران پر خلیجی خطے کو عدم استحکام سے دوچار کرنے کی سازشیں بند کرنے پرزور دیا اور کہا کہ خلیجی ممالک میں کشیدگی کی گونج پیرس میں گروپ سیون کے سربراہ اجلاس کے موقع پر بھی سنی گئی ہے۔ ان کا کہنا تھا کہ کشیدگی کم کرنے کے لیے صدر ٹرمپ اور ڈاکٹر حسن روحانی کے درمیان ملاقات ممکن ہے۔