ایران کا اسرائیل سے منسلک جہاز کے مالک سے 170 ملین ڈالر جرمانے کا مطالبہ

تہران ۔29اکتوبر (اے پی پی):ایران نے اسرائیل سے منسلک جہاز کے مالک سے 170 ملین ڈالر جرمانے کا مطالبہ کردیا۔ ارنا کے مطابق ایرانی عدلیہ کے ترجمان اصغر جہانگیر نے کہ ایران نے گذشتہ سال خلیجی پانیوں میں ضبط کردہ مال بردار جہاز کے مالک سے 170 ملین ڈالر کے جرمانے کا مطالبہ کیا ہے اور اس پر اسرائیل سے تعلقات کا الزام لگایا ہے۔ایرانی فوج کی نظریاتی شاخ پاسدارانِ انقلاب نے اپریل 2024 میں ایم ایس سی ایریز کو روکا اور اس کے بین الاقوامی عملے کے 25 ارکان کو حراست میں لے لیا۔

ایرانی عدلیہ کے ترجمان اصغر جہانگیر نے کہا ہے کہ الزامات کے تحت مقدمہ عدالتوں میں ہے اگرچہ سماعت کے لیے کوئی تاریخ مقرر نہیں کی گئی۔انہوں نے کہا کہ اس کے اسرائیلی نژاد مالک سے 170 ملین ڈالر جرمانے کا مطالبہ کیا گیا ہے جس پر دہشت گردی کی مالی معاونت کا الزام ہے۔اُس وقت امریکہ نے بحری جہاز کی ضبطی کو قزاقی کا عمل قرار دیتے ہوئے اس کی مذمت کی اور عملے کو رہا کرنے کا مطالبہ کیا تھا۔

اسرائیل کے وزیرِ خارجہ نے یورپی یونین سے مطالبہ کیا ہے کہ وہ پاسدارانِ انقلاب کو "دہشت گرد تنظیم” قرار دے۔جہاز کے بعض عملے کو کم از کم بعد میں رہا کر دیا گیا۔جہانگیر نے کہا کہ سامان کے علاوہ جہاز کی قیمت 170 ملین ڈالر تھی اور انہوں نے دعویٰ کیا کہ اسرائیلی ارب پتی اور جہاز رانی کا ایک اہم شخص اوفر اسرائیلی حکومت میں ایک "بااثر شخصیت” تھا۔جہاز کی ضبطی کا واقعہ غزہ جنگ کے مہینوں بعد آیا۔