بنگلہ دیش۔ پاکستان 2 ٹیسٹ میچ سیریز ،عبداللہ شفیق 2 رنز بناکر آؤٹ ، کپتان شان مسعود بھی صرف 6 رنز بنا سکے

اسلام آباد۔21اگست (اے پی پی):ورلڈ ٹیسٹ چمپیئن شپ،تھرڈ سائیکل(2023-2025) کے تحت بنگلہ دیش نے پاکستان کے خلاف 2 میچوں کی ٹیسٹ سیریز کے پہلے ٹیسٹ میں ٹاس جیت کر پہلے باؤلنگ کرنے کا فیصلہ کیا جبکہ مہمان ٹیم نے 3 وکٹوں کے نقصان پر 57 رنز بنا لیے ہیں۔

پاکستان اور بنگلہ دیش کے درمیان راولپنڈی میں جاری پہلا ٹیسٹ میچ گیلی آؤٹ فیلڈ کے باعث تاخیر کا شکار ہوا ہے۔میچ صبح 10 بجے شروع ہونا تھا تاہم گراؤنڈ گیلا ہونے کے باعث پہلے دن کا کھیل دوپہر 2 بج کر 30 منٹ پر شروع ہوا، پہلے روز 48 اوورز کا کھیل ہواہے ۔

ٹاس جیتنے کے بعد بنگلہ دیش نے پہلے فیلڈنگ کا فیصلہ کیا اور کھیل کے آغاز پر ہی اسے پہلی کامیابی اس وقت ملی جب عبداللہ شفیق 2 رنز بناکر آؤٹ ہوگئے۔ان کے بعد کپتان شان مسعود بھی صرف 6 رنز بنا کر آئوٹ ہو گئے جبکہ بابر اعظم بغیر کوئی بنائے آؤٹ ہوئے۔