بنگلہ دیش کے کپتان نجم الحسن شانتو کا پاکستان کے خلاف پہلے ٹیسٹ میچ میں ٹاس جیت کر پہلے فیلڈنگ کا فیصلہ

راولپنڈی۔21اگست (اے پی پی):بنگلہ دیش کے کپتان نجم الحسن شانتو نے پاکستان کے خلاف راولپنڈی کرکٹ سٹیڈیم میں شروع ہونے والے سیریز کے پہلے ٹیسٹ میچ میں ٹاس جیت کر پہلے فیلڈنگ کا فیصلہ کیا ہے ،

میچ میں ٹاس صبح ساڑھے 9بجے ہونا تھا مگر راولپنڈی میں صبح سویرے موسلادھار بارش ہوئی جس کے بعد گیلی آؤٹ فیلڈ کے باعث ٹاس دوپہر 2بجے ہوا۔کپتان شان مسعود پہلی مرتبہ ہوم سیریز میں ٹیم کی قیادت کر رہے ہیں ۔پاکستان کی پلیئنگ الیون میں کپتان شان مسعود ، سعود شکیل ، عبداللہ شفیق ، بابر اعظم ، محمد رضوان ، شاہین شاہ آفریدی ، محمد علی ، نسیم شاہ ، صائم ایوب ، سلمان علی آغا اور خرم شہزاد شامل ہیں، بنگلہ دیش کی فائنل الیون میں کپتان نجم الحسین شانتو ، شادمان اسلام ، ذاکر حسن ، مومن الحق ، مشفق الرحیم ، شکیب الحسن ، لٹن داس ، مہدی حسن میراز ، شریف الاسلام ، حسن محمود اور ناہید رانا شامل ہیں ۔پاکستان اور بنگلہ دیش کے درمیان سیریز کا دوسرا اور آخری ٹیسٹ 30 اگست سے 3 ستمبر تک راولپنڈی کرکٹ سٹیڈیم میں کھیلا جائے گا ، واضح رہے کہ یہ سیریز آئی سی سی ورلڈ ٹیسٹ چیمپئن شپ کا حصہ ہے