بین الپارلیمنٹری سپیکرز کانفرنس کے تمام انتظامات مکمل

اسلام آباد۔9نومبر (اے پی پی):بین الپارلیمنٹری سپیکرز کانفرنس (آئی ایس سی) کے تمام انتظامات مکمل کر لئے گئے ہیں جو 11 سے 12 نومبر 2025 تک اسلام آباد میں منعقد ہوگی، جس کا موضوع “امن، سلامتی اور ترقی کو فروغ دینا”ہے۔یہاں جاری تفصیلات کے مطابق پارلیمنٹ کے سپیکرز، 15 ڈپٹی سپیکرز، 37 اراکین پارلیمنٹ، اور کئی بین الاقوامی تنظیموں کے نمائندے جو کہ 40 سے زائد ممالک سے 174 مندوبین پر مشتمل ہیں،کی اس کانفرنس میں شرکت متوقع ہیں۔مختلف ممالک کی پارلیمانی وفود کانفرنس کے لیے پاکستان پہنچنا شروع ہو گئے ہیں۔

یونیورسل پیس فیڈریشن (یو پی ایف) کے صدر ڈاکٹر تغلدین ابراہیم حمد—جو اقوام متحدہ کی اقتصادی اور سماجی کونسل (یو این ای سی او ایس او سی) سے منسلک تنظیم ہے،اپنے وفد کے ہمراہ اسلام آباد پہنچے اور سینیٹ سیکریٹریٹ کے سینئر افسران نے ان کا پرتپاک استقبال کیا۔صومالیہ سے سعديہ ياسين، ہاؤس آف دی پیپل کی فرسٹ ڈپٹی سپیکر، اپنی ٹیم کے ہمراہ پہنچیں، جبکہ کانگو سے رکن پارلیمنٹ پروسپر کاسونگو لوکالی ٹنڈا، اور گیانا سے نیشنل پیس انیشی ایٹوز کے ڈائریکٹر ابراج نارائن بھی کانفرنس میں شرکت کے لیے اسلام آباد پہنچ گئے۔

مراکش کا وفد، جو ہاؤس آف کونسلرز کے سپیکر کے ہمراہ ہے، میں سپیکر کے ایگزیکٹو ڈائریکٹر، ایک سینئر صحافی، ایک مترجم، اور دیگر افسران شامل ہیں۔سینیٹ کے چیئرمین اور انٹر پارلیمنٹری سپیکرز کانفرنس کے بانی چیئرمین، سینیٹر سید یوسف رضا گیلانی نے اس ایونٹ کو پاکستان کی پارلیمانی تاریخ کا ایک عظیم موقع قرار دیا۔انہوں نے کہا کہ یہ کانفرنس پاکستان کی بین الاقوامی مکالمہ، امن اور تعاون کو فروغ دینے کی کوششوں میں ایک اہم سنگ میل ہے جو پارلیمانی سفارتکاری کے ذریعے حاصل کیا جا رہا ہے۔

انہوں نے کہاکہ دو سابق صدور بھی اس ایونٹ میں شرکت کریں گے، جو پاکستان کی بڑھتی ہوئی سفارتی مصروفیت اور عالمی سطح پر اعتبار کی عکاسی کرتا ہے۔ایسے ایک ممتاز اجتماع کی میزبانی محض سینیٹ کی کامیابی نہیں، یہ ایک قومی مقصد ہے جو پاکستان کی بین الاقوامی حیثیت کو بلند کرتا ہے۔کانفرنس کی وسیع تر اہمیت کو اجاگر کرتے ہوئےانہوں نے کہا کہ آئی ایس سی ایک اجتماعی قومی کوشش کی عکاسی کرتی ہے جو پاکستان کے امن، سلامتی اور جامع ترقی کے وژن کو ظاہر کرتی ہے۔انہوں نے تمام سینیٹرز پر زور دیا کہ وہ محض شرکاء کی بجائے پاکستان کی اقدار کے میزبان اور سفیر کے طور پر کردار ادا کریں۔

انہوں نے کہا کہ جیسے ہی ہم گلوبل ساؤتھ اور گلوبل نارتھ دونوں سے اپنے معزز مہمانوں کا استقبال کرتے ہیں، ہم سرحدوں کے پار مکالمہ، تفہیم اور تعاون کو فروغ دینے کے پاکستان کے عزم کی عکاسی کرتے ہیں۔چئیرمین سینٹ نے صدر آصف علی زرداری، وزیراعظم محمد شہباز شریف، قومی اسمبلی کے سپیکر سردار ایاز صادق اور نائب وزیراعظم اور وزیر خارجہ سینیٹر اسحاق ڈار کا کانفرنس کے انعقاد میں تعاون پر شکریہ ادا کیا۔

انہوں نے خاص طور پر سینیٹر اسحاق ڈار کی آئی ایس سی کے پیشگی سیشن کی صدارت کرنے پر ستائش کی اور قومی اسمبلی کے سپیکر کی فعال شرکت کی تعریف کی، یہ نوٹ کرتے ہوئے کہ قومی قیادت کے درمیان ایسی ہم آہنگی اتحاد اور مقصد کی عکاسی کرتی ہے۔

سینیٹ چیئرمین نے کلیدی وزارتوں اور محکموں—بشمول وزارت داخلہ، وزارت خارجہ، وزارت اطلاعات و نشریات، اور کیپیٹل ڈیولپمنٹ اتھارٹی (سی ڈی اے)کی خدمات کو بھی سراہا جو کانفرنس کے کامیاب انعقاد کو یقینی بنا رہے ہیں۔ان کی محنت اور لگن قومی اتحاد اور اس کانفرنس کو زبردست کامیابی بنانے کے عزم کی روح کی عکاسی کرتی ہے۔