حکومت نے ملک میں منشیات کی لعنت کی روک تھام اور بین الاقوامی تعاون کو یقینی بنانے کے لئے ملکی تاریخ میں پہلی بار باضابطہ پالیسی دستاویزات مرتب کی ہیں، رپورٹ

اسلام آباد ۔ 18 اگست (اے پی پی) پاکستان تحریک انصاف کی حکومت نے ملک میں منشیات کی لعنت کی روک تھام اور بین الاقوامی تعاون کو یقینی بنانے کے لئے ملکی تاریخ میں پہلی بار باضابطہ پالیسی دستاویزات مرتب کی ہیں۔ منگل کو یہاں جاری کی گئی وزارت انسداد منشیات کی دو سالہ کارکردگی رپورٹ کے مطابق پالیسی دستاویز کی کابینہ نے منظوری دےدی ہے اور اسے نافذ کیا گیا ہے۔ رپورٹ کے مطابق وزارت اس وژن پر کام کر رہی ہے جو فیصلوں کے بروقت نفاذ کے مضبوط اقدامات، بین الاقوامی تعاون کے میکنزم میں اضافہ اور منشیات کی طلب میں کمی کی مو¿ثر حکمت عملی ہے۔ اس مقصد کے لئے وزیراعظم نے منشیات بیداری اور روک تھام کے سلسلے میں سمارٹ فون ایپلی کیشن ”زندگی“ شروع کی ہے۔ قومی انسداد منشیات پالیسی 2019ءکو کابینہ نے تیار کیا اور اس کی منظوری دی جس میں منشیات کے تین پہلوو¿ں کو مو¿ثر طریقے سے حل کرنے کے لئے ایک روڈ میپ دیا گیا، یعنی منشیات کی طلب میں کمی، منشیات کی فراہمی میں کمی اور بین الاقوامی تعاون۔ 2018-19ءکے دوران ملک بھر کے مختلف تعلیمی اداروں میں منشیات کے استعمال اور روک تھام سے متعلق 20 سیمینار کا اہتمام کیا گیا تھا جبکہ تعلیمی اداروں میں منشیات کی لعنت کو روکنے کے لئے وزرا کی زیرصدارت اسلام آباد کے سرکردہ نجی اسکولوں کے مالکان سے ملاقاتیں کی گئیں۔ وزارت قومی صحت خدمات ریگولیشن اینڈ کوآرڈینیشن ، یو این او ڈی سی، ڈبلیو ایچ او اور دیگر سٹیک ہولڈرز کے اشتراک سے ایک پالیسی فریم ورک تیار کیا جا رہا ہے۔ افغانستان کے ساتھ سرحد پار تعاون کے لئے ایک تاریخی کاو¿نٹر منشیات یادداشت مفاہمت پر دستخط ہوئے۔ افغانستان، ایران اور پاکستان کے مابین انسداد منشیات تعاون سے متعلق سینئر عہدیداروں کا اجلاس دسمبر 2018ءمیں اسلام آباد میں ہوا۔ پاکستان میں نیو سائیکویکٹیو مادہ کے بارے میں پہلی بار تربیت کا اہتمام نومبر 2019ءمیں کیا گیا تھا جہاں مصنوعی ادویات کے بارے میں یورپی ماہرین نے مختلف فیڈرل اور صوبائی ایل ای اے کے 210 سے زیادہ شرکاءکو تربیت دی۔ نشے کے علاج اور بحالی مرکز کے ماڈل مراکز منشیات استعمال کرنے والوں کی بحالی اور علاج کے لئے کام کر رہے ہیں۔ نئی بھرتی ، ملکی اور غیر ملکی تربیت کے ذریعہ اے این ایف کی استعداد کار میں اضافہ کیا جارہا ہے۔ اس منشیات اور اس سے منسلک محکمہ اے این ایف کے ذریعہ منشیات سے پاک معاشرہ بنانے کے لئے قومی انسداد منشیات پالیسی 2017 نافذ کی گئی ہے۔ منشیات کی روک تھام ، علاج اور بحالی ریگولیشن بل کے مسودے میں منشیات کے خطرات کو روکنے کے لئے تجویز کیا گیا ہے۔ اس مجوزہ بل میں منشیات کی روک تھام، علاج اور بحالی ریگولیشن اتھارٹی قائم کرنے کا بھی ارادہ ہے جو منشیات کی روک تھام کے لئے معیار طے کرے گا۔