راولپنڈی، پاک چین سفارتی تعلقات کے موضوع پر کوئز اور مضمون نویسی کے مقابلوں کا انعقاد

راولپنڈی۔ 12 اگست (اے پی پی):گورنمنٹ گریجویٹ کالج فار وومن، بی بلاک، سیٹلائٹ ٹاؤن راولپنڈی میں پاک چین سفارتی تعلقات کی اہمیت اور تاریخ کو اجاگر کرنے کے لیے ایک باوقار تقریب کا انعقاد کیا گیا، جس میں طالبات کے درمیان کوئز اور مضمون نویسی کے مقابلے کروائے گئے۔

تقریب کے مہمانِ خصوصی ڈپٹی ڈائریکٹر کالجز راولپنڈی سجاد حسین تھے۔ انہوں نے تقریب میں خصوصی طور پر شرکت کی اور مقابلوں کا جائزہ لیا۔ ڈپٹی ڈائریکٹر کالجز راولپنڈی سجاد حسین نے طالبات سے اپنے خطاب میں پاک چین دیرینہ دوستی اور سفارتی تعلقات کی اہمیت پر روشنی ڈالی۔

انہوں نے طالبات کی نصابی و ہم نصابی سرگرمیوں میں فعال شرکت کو سراہا اور ان کی حوصلہ افزائی کی۔شفاف شفافیت اور منصفانہ فیصلہ: مقابلوں میں شامل تمام مضامین اور کوئز کے ٹیسٹوں کی چھان بین جیوری (ججز) کے پینل نے نہایت باریک بینی اور شفاف انداز میں کی۔ ججز نے تمام نتائج کو مرتب کر کے حتمی پوزیشنوں کا اعلان کیا۔