ساموا کے بیٹر ڈاریئس ویسر نے ایک اوور میں 39 رنزبناکر نیا انٹرنیشنل ٹی ٹونٹی ریکارڈ قائم کر دیا

ایپیا۔20اگست (اے پی پی):ساموا کے بلے باز ڈاریئس ویسر نے دھواں دار بیٹنگ کرتے ہوئے انٹرنیشنل ٹی ٹونٹی کرکٹ میں ایک اوور میں سب سے زیادہ رنز بنانے کا ریکارڈ قائم کر دیا۔ساموا کے بیٹر ڈاریئس ویسر نے ایک اوور میں 39 رنز بنا کرانٹرنیشنل ٹی ٹونٹی کرکٹ میں یوراج سنگھ کا سب سے زیادہ رنز بنانے کا ریکارڈ توڑ دیا۔

ڈاریئس ویسر نے مجموعی طور پر 132 رنز بنائے اور ٹی 20 انٹر نیشنل میں سنچری بنانے والے پہلے ساموا کے بلے باز بن گئے اس کے علاوہ انہوں نے کھیل کے ٹی 20 فارمیٹ میں ایک ہی اوور میں سب سے زیادہ رنز بنانے کا اعزاز حاصل کیا۔واناواتو کے نالن نپیکو نے ایک اوور میں 6 چھکے کھائے اور 3 نو بالز کیں۔ایک اوور میں سب سے زیادہ رنز بنانے کا ریکارڈ ساموا اور وانا واتو کی ٹیموں کے درمیان میچ میں بنا۔

یہ میچ آئی سی سی مینز ٹی ٹونٹی ورلڈ کپ سب ریجنل ایسٹ ایشیا پیسیفک کوالیفائر اے کی ٹیموں ساموا اور وانا واتو کے درمیان کھیلاگیا۔اس سے پہلے ٹی ٹونٹی کرکٹ میں ایک اوور میں سب سے زیادہ 36 رنز کا ریکارڈ تھا۔2007 میں ٹی ٹونٹی ورلڈ کپ کے پہلے ایڈیشن میں بھارتی جراح مزاج بلے باز یووراج سنگھ نے انگلینڈ کے سٹیورٹ براڈ کے اوور میں 36 رنز بنائے تھے۔2021میں آل رائونڈر کیرون پولارڈ جبکہ 2024میں نکولس پوران، دپیندرا سنگھ ایری، روہت شرما اور رنکو سنگھ بھی ایک اوور میں 36 رنز بنا چکے ہیں