سنکیانگ، ہانگ کانگ اور ژیزانگ سے متعلقہ مسائل چین کے اندرونی معاملات ہیں، پاکستان

اقوام متحدہ۔23اکتوبر (اے پی پی):اقوام متحدہ میں پاکستان کے مستقل مندوب منیر اکرم نے چین کی خودمختاری، آزادی اور علاقائی سالمیت کے احترام پر زور دیتے ہوئے کہا کہ سنکیانگ، ہانگ کانگ اور ژیزانگ سے متعلقہ مسائل چین کے اندرونی معاملات ہیں۔یہ بات انہوں نے جنرل اسمبلی کی تھرڈ کمیٹی کے زیر اہتمام انسانی حقوق کے مسائل پر ہونے والی عام بحث میں پاکستان سمیت 80 ممالک کی جانب سے مشترکہ بیان دیتے ہوئے کہی۔

انہوں نے کہا کہ ہم انسانی حقوق پر سیاست کرنے اور د ہرے معیار، یا انسانی حقوق کے بہانے ریاستوں کے اندرونی معاملات میں مداخلت کی مخالفت کرتے ہیں۔مشترکہ بیان میں کہا گیا کہ ریاستوں کی خودمختاری، آزادی اور علاقائی سالمیت کا احترام اور خودمختار ریاستوں کے اندرونی معاملات میں عدم مداخلت بین الاقوامی تعلقات کو کنٹرول کرنے والے بنیادی اصولوں کی نمائندگی کرتی ہے۔

ہم اس بات پرزور دیتے ہیں کہ تمام فریقین کو اقوام متحدہ کے چارٹر کے مقاصد اور اصولوں کی پاسداری کرنی چاہیے، آفاقیت، غیر جانبداری، معروضیت اور non-selectivity کے اصولوں کی پاسداری کرنی چاہیے،اور ہر ریاست کےعوام کے اس حق کا احترام کریں کہ وہ اپنے قومی حالات کے مطابق ترقی کے لئے آزادانہ طور پرآگے بڑھ سکیں ۔بیان میں انسانوں کو درپیش متعدد چیلنجز کا ذکر کرتے ہوئے کہا گیا کہ عالمی برادری کو کثیرالجہتی کو برقرار رکھنا چاہیے، یکجہتی اور ہم آہنگی کو مضبوط کرنا چاہیے، اور عالمی چیلنجز کا مشترکہ جواب دینا چاہیے، عالمی امن اور ترقی کو آگے بڑھانا چاہیے، اور انسانی حقوق کو فروغ اور تحفظ دینا چاہیے۔

اس مشترکہ بیان پر پاکستان، الجیریا، اینٹیگوا اور باربوڈا، بحرین، بیلاروس، بینن، بولیویا ، برکینا فاسو، برونڈی، کمبوڈیا، کیمرون، وسطی افریقی جمہوریہ، چاڈ، چین، کوموروس، کانگو ، کیوبا، جمہوری عوامی جمہوریہ کوریا، جمہوری جمہوریہ کانگو، جبوتی، ڈومینیکا، مصر، ایلسلواڈور، استوائی گنی، اریٹیریا، ایتھوپیا، گبون، گیمبیا، گریناڈا، گنی،

گنی بساؤ، ہونڈوراس، ایران (اسلامی جمہوریہ) )، عراق، قازقستان، کینیا، کریباتی، کرغزستان، لاؤ پیپلز ڈیموکریٹک ریپبلک، لبنان، لیسوتھو، لیبیا، مڈغاسکر، مالدیپ، مالی، موریطانیہ، مراکش، موزمبیق، میانمار، نائورو، نیپال، نکاراگوا، نائیجر، پاپوا نیو گنی ، ساؤ ٹوم اور پرنسپے، سعودی عرب، سربیا، سیرا لیون، جزائرسولومن ، صومالیہ، جنوبی سوڈان، سری لنکا، فلسطین، سوڈان، سورینام، شام ، تاجکستان، ٹوگو، ٹونگا، تیونس، ترکمانستان، یوگنڈا، متحدہ عرب امارات، ازبکستان، وانواتو، وینزویلا، یمن، زیمبیا اور زمبابوے نے دستخط کئے ۔