سی پیک کے نتیجہ میں معاشی ترقی کے وسیع تر مواقع سے معاشرے کے تمام طبقات پر مثبت اثرات مرتب ہوں گے، حسن داﺅد بٹ

اسلام آباد ۔ 29 مارچ (اے پی پی) چین پاکستان اقتصادی راہداری (سی پیک) کے پروجیکٹ ڈائریکٹر حسن داﺅد بٹ نے کہا ہے کہ چین پاکستان اقتصادی راہداری سے معاشی ترقی کے وسیع تر مواقع پیدا ہوں گے جس کے معاشرے کے تمام طبقات پر مثبت اثرات مرتب ہوں گے۔ ان خیالات کا اظہار انہوں نے ”اے پی پی“ سے گفتگو کرتے ہوئے کیا۔ انہوں نے کہا کہ چین پاکستان اقتصادی راہداری کے تحت سڑکوں، ریلوے اور بندرگاہوں کے شعبوں میں بڑے پیمانے پر سرمایہ کاری کی گئی ہے