شہید میجر احمر رضا کے لواحقین کا عید کے موقع پر پاک فوج کے شہدااور جوانوں کےلئے جذبات کا اظہار

اسلام آباد۔23مارچ (اے پی پی):شہید میجر احمر رضا کے لواحقین نے عید الفطر کے موقع پر پاک فوج کے شہدا اور جوانوں کےلئے جذبات اور دعاؤں کا اظہار کیا۔ شہید میجر احمر رضا کے لواحقین نے کہا کہ عید کے پُرمسرت موقع پر پاکستان آرمی کے تمام جوانوں، افسران، شہدا اور ان کے اہلِ خانہ کو عید مبارک پیش کرتے ہیں۔ سکیورٹی ذرائع کے مطابق شہید میجر احمر رضا کے بھائی نے کہا کہ شہید میجر احمر رضا آئیوری کوسٹ میں اقوامِ متحدہ کے امن مشن کے دوران شہید ہوئے، شہادت کی خبر اچانک ملی، جس پر صبر و شکر ادا کیا۔ بھائی شہید میجر احمر رضا نے کہا کہ آئندہ بھی وطنِ عزیز کے لیے کسی بھی قربانی سے دریغ نہیں کریں گے اور تمام فوجی بھائیوں کی سلامتی کے لیے دعاگو ہیں۔ انہوں نے کہا کہ اللہ تعالیٰ تمام شہدا کے اہلِ خانہ کو صبر عطا فرمائے اور پاکستان کو ہمیشہ قائم و دائم رکھے۔ شہید میجر احمر رضا کی بہن نے کہا کہ احمر رضا کا یومِ پیدائش 23 مارچ کو تھا اور والد کہا کرتے تھے کہ ان کی آمد پر توپوں کی سلامی دی گئی۔ انہوں نے کہا کہ شہادت کے بعد بھی انہیں فوجی اعزاز کے ساتھ سپردِ خاک کیا گیا اور وہ اسی شان کے ساتھ رخصت ہوئے۔