صدرِ آصف علی زرداری کا میاں منظور احمد وٹو کے انتقال پر اظہار تعزیت

اسلام آباد۔16دسمبر (اے پی پی):صدرِ مملکت آصف علی زرداری نے سینئر سیاستدان میاں منظور احمد وٹو کے انتقال پر گہرے دکھ اور افسوس کا اظہار کیا ہے۔ منگل کو ایوانِ صدر کے پریس ونگ سے جاری بیان کے مطابق صدر مملکت نے کہا کہ میاں منظور احمد وٹو نے بطور سپیکر پنجاب اسمبلی، وزیراعلیٰ پنجاب، وفاقی وزیر اور مختلف اہم سیاسی ذمہ داریوں میں عوامی خدمت اور قومی ترقی کے لئے گرانقدر خدمات انجام دیں۔

انہوں نے کہا کہ مرحوم نے بطور سینئر سیاستدان جمہوری اداروں کے استحکام اور علاقائی مسائل کے حل میں اہم کردار ادا کیا، مرحوم کی دانائی، قیادت اور قومی یکجہتی کے لئے خدمات ہمیشہ یاد رکھی جائیں گی۔ صدرِ مملکت نے دعا کی کہ اللہ تعالیٰ مرحوم کو جوارِ رحمت میں جگہ عطا فرمائے اور لواحقین کو صبرِ جمیل عطا کرے۔