قومی جونیئر ٹیم ایران انٹرنیشنل جونیئر ریسلنگ چیمپئن شپ میں شرکت کے لئے (پیر سے) تہران رووانہ ہوگی

اسلام آباد ۔ 22 اکتوبر (اے پی پی) قومی جونیئر ٹیم ایران انٹرنیشنل جونیئر ریسلنگ چیمپئن شپ میں شرکت کے لئے (آج) تہران رووانہ ہوگی،ایونٹ پیر سے تہران میں شروع ہوگا، قومی ٹیم 8 کھلاڑیوں پر مشتمل ہے جن میں فیض الحسن 52 کلوگرام، حماد بٹ 61 کلوگرام، محمد حسن 70کلوگرام، محمد طلحہ 74کلوگرام، شعبان 52 کلوگرام ، عمران 84کلوگرام، محمد بلال 97 کلوگرام اور فیصل ممتاز 120 کلوگرام شامل ہیں جبکہ کوچنگ کے فرائض ظفر اقبال انجام دیں گے، اور ایونٹ 27 اکتوبر تک جاری رہے گا۔