مارسیلو اریوالو اورمیٹ پاویچ نے سنسناٹی اوپن ٹینس کا مینز ڈبلز ٹائٹل جیت لیا

اوہائیو۔20اگست (اے پی پی):ایل سلواڈور کے ٹینس سٹار مارسیلو اریوالواور ان کے کروشین جوڑی دار میٹ پاویچ پر مشتمل فورتھ سیڈ جوڑی نے سنسناٹی اوپن ٹینس ٹورنامنٹ کا مینز ڈبلز ٹائٹل جیت لیا، انہوں نے مردوں کے ڈبلز مقابلوں کے فائنل میچ میں وائلڈ کارڈ پر انٹری حاصل کرنے والی میکنزی میکڈونلڈ اور الیکس مشیلسن پر مشتمل امریکی جوڑی کو شکست دی ۔

امریکی ریاست اوہائیو کے شہر سنسناٹی میں جاری سال کے چوتھے گرینڈ سلام یو ایس اوپن سے قبل وارم اپ ٹورنامنٹ کے مردوں کے ڈبلز مقابلوں کے فائنل میچ میں ایل سلواڈور کے ٹینس سٹار مارسیلو اریوالواور ان کے کروشین جوڑی دار میٹ پاویچ پر مشتمل فورتھ سیڈ جوڑی نے عمدہ کھیل پیش کرتے ہوئے وائلڈ کارڈ پر انٹری حاصل کرنے والی میکنزی میکڈونلڈ اور الیکس مشیلسن پر مشتمل امریکی جوڑی کو6سٹریٹ سیٹس میں 2-6 اور 4-6سے شکست دے کر ٹورنامنٹ جیت لیا۔