متحدہ عرب امارات میں مساجد میں (آج) نماز خسوف ادا کی جائے گی

ابو ظہبی ۔7ستمبر (اے پی پی):متحدہ عرب امارات میں (آج)اتوار کی شام پورے ملک کی مساجد میں میں نماز خسوف ادا کی جائے گی ۔امارات نیوز ایجنسی وام کے مطابق اسلامی امور، اوقاف اور زکوٰۃ کی جنرل اتھارٹی نے اپنے اعلان میں عوام سے 7 ستمبر بروز اتوار شام کو سورج گرہن کی نماز ادا کرنے کی اپیل کی ہے، جو کہ کائناتی مظاہر کے دوران پیغمبر اسلام (صلی اللہ علیہ وآلہ وسلم) کی فرض نمازیں ادا کرنے کی روایت کے مطابق ہے۔

یہ چاند گرہن کے بین الاقوامی فلکیاتی مرکز کے اعلان کے مطابق ہے، جو امارات کے مقامی وقت کے مطابق رات 8:27 پر شروع ہوگا، رات 10:12 پر اپنے عروج پر پہنچے گا، اور رات 11:57 پر اختتام پذیر ہوگا۔یو اے ای کونسل برائے فتویٰ نے ایک بیان میں وضاحت کی ہے کہ چاہے گرہن جزوی ہو یا مکمل، نماز خسوف ان تمام مردوں اور عورتوں کے لیے مستحب ہے جن پر نماز فرض ہے۔