نائجر میں مالی کی سرحد کے قریب حملے میں 34 فوجی ہلاک

نیامے۔20جون (اے پی پی):نائجر کے مغربی علاقے میں مالی کی سرحد کے قریب حملے میں 34 نائیجیرین فوجی ہلاک ہو گئے۔

فرانسیسی خبر رسں ادارے اے ایف پی کے مطابق نائجر کی وزارت دفاع نے بیان میں کہا ہے کہ گزشتہ روز نائیجر کے دیہی قصبے بنی بینگو میں 8 گاڑیوں اور 200 سے زیادہ موٹرسائیکلوں پر سوار کئی سو کرائے کے فوجیوں کے ایک گروہ نے حملہ کیا جس کے نتیجے میں 34 فوجی ہلاک اور 14 زخمی ہوگئے۔

وزارت نے کہا کہ فورسز نے جوابی کارروائی میں درجنوں دہشت گردوں کو ہلاک کر دیا۔وزارت نے کہا کہ حملہ آوروں کی تلاش کے لئے زمینی اور فضائی راستے سے تلاشی کی کارروائیاں جاری ہیں ۔