کوئٹہ۔1اگست (اے پی پی):وزیراعظم شہباز شریف لیفٹیننٹ کرنل لئیق بیگ مرزا شہید کی رہائش گاہ پر گئے اور شہید کے اہلخانہ سے اظہار تعزیت اور فاتحہ خوانی کی۔
پیر کو وزیراعظم آفس کے میڈیا ونگ سے جاری بیان کے مطابق وزیراعظم شہباز شریف نے مادر وطن کے تحفظ و سلامتی اور دفاع کے لئے شہداء کی قربانیوں کو خراج عقیدت پیش کرتے ہوئے کہا کہ شہداء ہمارے ہیروز ہیں، شہدا کی قربانیاں مسلح افواج اور پوری قوم کے لئے عظیم جذبے کا باعث ہیں۔
انہوں نے کہا کہ پوری قوم اپنے شہدا اور ان کے بہادر اہلخانہ کی مقروض ہے۔ لیفٹیننٹ کرنل لئیق بیگ مرزا کو زیارت کے قریب دہشت گردوں نے شہید کردیا تھا۔
