وزیراعظم محمد شہباز شریف کی سعودی ولی عہد شیخ محمد بن سلمان بن عبد العزیز آلسعود سے ملاقات

مکہ مکرمہ۔7اگست (اے پی پی):وزیراعظم محمد شہباز شریف نے سعودی ولی عہد و وزیراعظم شیخ محمد بن سلمان بن عبد العزیز آلسعود سے ملاقات کی ۔ وزیراعظم آفس کے میڈیا ونگ کی طرف سے جاری بیان کے مطابق یہ ملاقات مکہ مکرمہ کے قصر الصفا میں ہوئی ۔ سعودی ولی عہد و وزیراعظم شیخ محمد بن سلمان نے قصر الصفا میں وزیراعظم کا استقبال کیا۔ ملاقات میں نائب وزیراعظم و وزیر خارجہ سینیٹر محمد اسحاق ڈار، آرمی چیف و چیف آف ڈیفنس فورسز فیلڈ مارشل سید عاصم منیر اور وزیر دفاع خواجہ محمد آصف بھی موجود تھے۔