وفاقی وزیر تجارت جام کما ل خان کی گورنر بلوچستان سے ملاقات، باہمی دلچسپی کے امور پر تبادلہ خیال

کوئٹہ۔24فروری (اے پی پی):وفاقی وزیر تجارت جام کمال خان نے گورنر بلوچستان جعفر خان مندوخیل سے گورنر ہاؤس بلوچستان میں ملاقات کی۔ملاقات میں باہمی دلچسپی کے امور بشمول بلوچستان کی مجموعی صورتحال اور علاقائی اور قومی امور پر تبادلہ خیال کیا گیا۔ دونوں رہنماؤں نے ترقیاتی اقدامات، گورننس کے معاملات اور صوبے میں استحکام اور معاشی ترقی کو یقینی بنانے کے لیے مربوط کوششوں کی اہمیت پر تبادلہ خیال کیا۔

جام کمال خان نے وفاقی حکومت کے تجارتی فروغ اور سرمایہ کاری کی سہولت کے ذریعے بلوچستان کی ترقی کے لیے تعاون کے عزم کا اعادہ کیا جبکہ گورنر مندوخیل نے صوبے کے معاشی اور سیاسی منظر نامے کو مضبوط بنانے کے لیے باہمی تعاون پر مبنی اقدامات کی ضرورت پر زور دیا۔دونوں رہنماؤں نے بلوچستان کی خوشحالی اور ترقی کے لیے مل کر کام جاری رکھنے کے عزم کا اظہار کیا۔