وفاقی وزیر شزہ فاطمہ خواجہ کی سوات کے علاقے کبل میں خودکش دھماکے کی مذمت

اسلام آباد۔2اگست (اے پی پی):وفاقی وزیر شزہ فاطمہ خواجہ نے سوات کے علاقے کبل میں خودکش دھماکے کی شدید مذمت کی ہے۔اتوار کو اپنے بیان میں ​وفاقی وزیر نےدھماکے میں ہونے والے جانی نقصان پر گہرے غم اور افسوس کا اظہار کیا۔​

شزہ فاطمہ خواجہ نے جانبحق افراد کے اہلِ خانہ سے دلی تعزیت اور ہمدردی کا اظہار کیا۔​وفاقی وزیر نے شہداء کےدرجات کی بلندی اور غمزدہ خاندانوں کے لیے صبرِ جمیل کی دعا بھی کی۔​شزا فاطمہ خواجہ نے دھماکے میں زخمی ہونے والوں کی جلد اور مکمل صحت یابی کے لیے دعا کی۔​وفاقی وزیر کا کہنا ہے کہ دہشت گردی کے خلاف پوری قوم متحد ہے، ملک سے اس ناسور کے مکمل خاتمے تک جدوجہد جاری رہے گی۔