پاکستان نے بنگلہ دیش کے خلاف پنڈی ٹیسٹ کیلئے پلیئنگ الیون کا اعلان کر دیا

راولپنڈی۔19اگست (اے پی پی):پاکستان نے بنگلہ دیش کے خلاف سیریز کے پہلے ٹیسٹ کے لئے پلیئنگ الیون کا اعلان کر دیا ہے ، شان مسعود پہلی مرتبہ ہوم سیریز میں ٹیم کی قیادت کریں گے،

قومی ٹیم چار فاسٹ بائولرز کے ساتھ میدان میں اترے گی۔ پی سی بی کے مطابق اعلان کردہ پلیئنگ الیون میں شان مسعود ( کپتان ) ، سعود شکیل ( نائب کپتان ) ، عبداللہ شفیق ، بابر اعظم ، خرم شہزاد ، محمد علی ، محمد رضوان ( وکٹ کیپر ) نسیم شاہ ، صائم ایوب ، سلمان علی آغا اور شاہین شاہ آفریدی شامل ہیں ،

پاکستان اور بنگلہ دیش کے درمیان دو ٹیسٹ میچوں پر مشتمل سیریز کا پہلا میچ 21 اگست بروز بدھ سے راولپنڈی کرکٹ سٹیڈیم میں شروع ہو گا ، دونوں ٹیموں کے مابین اب تک کھیلے گئے 13 ٹیسٹ میچوں میں پاکستان نے 12 ٹیسٹ جیتے جبکہ ایک میچ ڈرا ہوا۔