پاکستان نے زمبابوے کو فیصلہ کن ون ڈےکرکٹ میچ میں کامیابی کے لئے 304رنز ہدف دے دیا

بلاوائیو۔28نومبر (اے پی پی):کامران غلام کی شاندار سنچری اور عبدااللہ شفیق کی نصف سنچری کی بدولت پاکستان کی ٹیم نے میزبان زمبابوے کے خلاف تیسرے اور فیصلہ کن ایک روزہ بین الاقوامی کرکٹ میچ میں 303ز بناکر کامیابی کے لئے 304ز کا ہدف دے دیا۔ کامران غلام 103 ،عبد اللہ شفیق 50، کپتان محمد رضوان 37 اور صائم ایوب 31 رنز کے ساتھ نمایاں بلے از رہے۔زمبابوے کی جانب سے سکندر رضا ،رچرڈ نگروا نے دو، دو جبکہ بلیسنگ مزاربانی اور فراز اکرم نے ایک ، ایک کھلاڑی کو آئوٹ کیا۔جمعرات کو بلاوائیو میں کھیلے جارہے تیسرے اور فیصلہ کن ون ڈے میچ میں پاکستان ٹیم کے کپتان محمد رضوان نے ٹاس جیت کر پہلے بیٹنگ کا فیصلہ کیا۔

پاکستان کی جانب سے صائم ایوب اور عبداللہ شفیق نے اننگز کا آغاز کیا جبکہ زمبابوے کی طرف سے سکندررضا نے بائولنگ اٹیک کیا۔پاکستان کی جانب سے صائم ایوب اور عبداللّٰہ شفیق نے بہت عمدہ اننگز کا آغاز کیا اور ذمہ دارانہ انداز میں بیٹنگ کرتے ہوئے 10 اوورز میں سکور 49 رنز تک پہنچایا۔بعدازاں یہ شراکت داری 12.1 اوورز میں 58 رنز پر ٹوٹ گئی جب صائم ایوب انفرادی 31 رنز بنا کر کیچ آؤٹ ہوگئے۔اس کے بعد عبداللّٰہ شفیق کے ساتھ کامران غلام نے پارٹنرشپ قائم کی اور ٹیم کا سکور 22 اوورز میں 100 رنز تک پہنچادیا۔پاکستان کی دوسری وکٹ 23 ویں اوور میں 112 رنز پر گری جب عبداللّٰہ شفیق اپنی نصف سنچری مکمل کرنے کے بعد 50 رنز بنا کر ایل بی ڈبلیو آؤٹ ہوئے۔

پاکستان کی تیسری وکٹ 39.2 اوورز میں 201 رنز پر گری جب کپتان محمد رضوان 37 رنز بنا کر کیچ آؤٹ ہوگئے ۔قومی ٹیم کی چوتھی وکٹ 44.3 اوورز میں 232 رنز پر گری گئی ۔ اس موقع پر کامران غلام اپنی ون ڈے ڈیبیو سنچری مکمل کرنے کے بعد 103 رنز بنا کر آؤٹ ہوئے۔ انہوں نے 4 چھکوں اور 10 چوکوں کی مدد سے سنچری بنائی، یہ ان کے ون ڈے کیریئر کی پہلی سنچری تھی۔پاکستان کی پانچویں وکٹ 47.3 اوورز میں 273 رنز پر گری جب سلمان آغا 30 رنز بنا کر آؤٹ ہوئے ۔

پاکستان کے چھٹے آئوٹ ہونے والے کھلاڑی عرفان خان 3 رنز بناکر پویلین لوٹ گئے ۔اس وقت 48.4 اوورز میں پاکستان کا مجموعی سکور 283 رنز تھا۔طیب طاہر 29 اور عامر جمال 5 رنز کے ساتھ ناٹ آئوٹ رہے۔ یوں پاکستان کی ٹیم نے مقررہ 50 اوورز میں 6 وکٹوں کے نقصان پر 303 رنز بنائے اور اس نے زمبابوے کی ٹیم کو میچ میں کامیابی کے لئے 304 رنز کا ہدف دیا۔زمبابوے کی طرف سے سکندر رضا ،رچرڈ نگروا نے دو، دو جبکہ بلیسنگ مزاربانی اور فراز اکرم نے ایک ، ایک کھلاڑی کو آئوٹ کیا۔