پاکستان پیپلز پارٹی اور پاکستان مسلم لیگ (ن) عوامی جلسے جاری رکھنے میں ناکام ہوجائیں گے،وزیر اطلاعات و نشریات

اسلام آباد۔15اکتوبر (اے پی پی):وزیر اطلاعات و نشریات سینیٹر شبلی فراز نے کہا ہے کہ بڑے پیمانے پر منی لانڈرنگ اور بدعنوانی کے الزامات میں ملوث پاکستان پیپلز پارٹی اور پاکستان مسلم لیگ (ن) کے رہنما عوامی جلسے جاری رکھنے میں ناکام ہوجائیں گے۔انہوں نے جمعرات کو نجی ٹیلی وژن چینل کے پروگرام میں گفتگو کرتے ہوئے کہا کہ حکومت نے اپوزیشن پارٹی کے رہنماؤں کو آگاہ کیا ہے کہ وہ بڑے بڑے جلسے کرنے سے باز رہیں کیونکہ ملک کے بہت سے حصوں میں کورونا وائرس وبائی مرض تیزی سے دوبارہ ابھر رہا ہے۔مہنگائی اور دیگر امور سے متعلق ایک سوال کے جواب میں ، انہوں نے کہا کہ پیپلز پارٹی اور مسلم لیگ (ن) کے رہنماؤں نے اپنے اپنے دور حکومتوں کے دوران معاشی اعداد و شمار کے ہیر پھیر سے قوم کو گمراہ کیا رکھا ۔وزیر نے کہا کہ ملک کو غیر صنعتی بنانے ، برآمدات میں عدم توازن رکھنے اور بھاری قرضوں کی ادائیگی کی وجہ سے نقصان اٹھانا پڑا ہے جیسے کہ گزشتہ حکومتوں نے کیا۔انہوں نے بتایا کہ اپوزیشن جماعتوں کے رہنماؤں کی اربوں ڈالر کی منی لانڈرنگ اس افراط زر اور مہنگائی کی بہت بڑی وجہ ہے۔ پی ٹی آئی کی حکومت موجودہ چیلنجوں سے بخوبی واقف تھی ، انہوں نے مزید کہا کہ عوام کو ریلیف کی فراہمی کے لئے تمام اہم اقدامات اٹھائے جارہے ہیں۔ایک اور سوال کے جواب میں سینیٹر فراز نے کہا کہ مسلم لیگ ن کے قائدین جو کرپشن اور منی لانڈرنگ کے معاملات سے بچنے کے لئے ملک سے فرار ہوگئے تھے ، انہیں اس ملک کی لوٹی ہوئی رقم واپس کرنی چاہیے ۔