چوہدری شفیق کا پمز آتشزدگی کے نتیجے میں نومولود بچوں کی ہلاکت پر گہرے دکھ کا اظہار

اسلام آباد۔27اگست (اے پی پی):پارلیمانی کمیشن برائے انسانی حقوق کے سابق کمشنر چوہدری شفیق نے پمز کی نرسری میں آتشزدگی کے نتیجے میں نومولود بچوں کی ہلاکت پر گہرے دکھ کا اظہار کیا ہے ۔

جمعرات کو سٹیزنز فورم کے کنوینئر ولیم پرویز ،سماجی رہنماء ڈاکٹر بشیر حسین شاہ ، حبیبہ طلعت اور دیگر شہری و انسانی حقوق کے نمائندوں کے ہمراہ نیشنل پریس کلب اسلام آباد میں پریس کانفرنس کرتے ہوئے چوہدری شفیق نے مطالبہ کیا کہ واقعہ کی مکمل تحقیقات کی جائیں ۔